Rundunar 'Yan Sandan Jihar Kano Ta kama Yan Jagaliyar Siyasa

Rundunar 'Yan Sandan Jihar Kano Ta Yi Holen 'Yan Jagaliyar Siyasa Daga Ibrahim Rabiu Kurna A yau Juma’a ne rundunar ta 'yan sand...

Rundunar 'Yan Sandan Jihar Kano Ta Yi Holen 'Yan Jagaliyar Siyasa Daga Ibrahim Rabiu Kurna A yau Juma’a ne rundunar ta 'yan sanda a Kano ta yi holin 'yan bangar siyasa wadanda aka kama a yayin zabubbukan cikin gida na jam’iyyu daga Talata 2 zuwa Juma’a 5 ga watan Oktoba, 2018. Cikin wadanda aka kama har da wani dan dashi da makami wanda an dade ana nemansa wato Bashir Musa da aka fi sani da Gachi wanda ke addabar Unguwannin Hotoro, Naibawa, Mariri da sauransu a birnin Kano. Jami'in hulda da jama'a na rundunar yansandan jihar Kano, SP Magaji Musa Majia yace sun kama 'yan bangar siysar da mugayen makamai masu yawa da suka hadar da Adda, Barandami, Sanduna da wukake, yace dukkanin yandaban dake hannun su zasu mika su zuwa kotu domin ayi musu hukunci dai dai da abinda suka aikata. Daga karshe SP Majia, ya tabbatar da cewa rundunar su za ta cigaba da aiki ba dare ba rana wajen kame duk wasu 'yanbangar siyasa a Jihar Kano don ganin anyi zaben shekara ta 2019 lami lafiya batare da an kashe ko dan tsako ba cikin yardar Allah.