Jonathan Ya Gayyaci Shugaba Buhari, Obasanjo Da Atiku Taron Kaddamar Da wani Littafi

Tsohon Shugaban Kasar nan, Goodluck Jonathan, ya gayyaci Shugaba Buhari, da tsohon Shugaban kasa, Olusegun Obasanjo, da dan takaran shugaban...

Tsohon Shugaban Kasar nan, Goodluck Jonathan, ya gayyaci Shugaba Buhari, da tsohon Shugaban kasa, Olusegun Obasanjo, da dan takaran shugaban kasa na Jam’iyyar PDP, Atiku Abubakar, wajen kaddamar da littafinsa mai taken: ‘My Transition Hours.” Za a yi kaddamarwar ne a Otel din, Transcorp Hilton Hotel, Abuja, a ranar 20 ga watan Nuwamba, wanda ake sa ran, Buhari, Obasanjo da Atiku, da sauran manyan mutane za su halarta. Kamar yanda katin gayyatar da kwamitin shirya taron ya aike wa bakin da za su halarci taron ya nu na, Shugaba Buhari ne zai kasance Babban bako na musamman, Obasanjo kuma zai shugabanci taron, sa’ailin da Atiku kuma Jonathan din ne ya gayyace shi a matsayin babban bako na musamman. Sauran manyan bakin da za su halarci kaddamarwar sun hada da, babban mai shari’a na kasa, Mai Shari’a Salihu Alfa Belgore, wanda zai yi bitar littafin; Janar Theophilus Y. Danjuma (ritaya), zai zama babban mai gabatar da littafin, sa’ilin da Gwamnan Jihar Bayelsa, Gwamna, Seriake Dickson, zai zama mai masaukin baki. Ana kuma sa ran Shugabannin kasashen Afrika masu yawa da manyan mutane duk za su halarci taron kaddamarwan da suka hada da Shugaba Alassane Ouattara na kasar Cote d’Iboire, da tsohon Shugaban kasar Ghana, John Dramani Mahama. Samfurin littafin wanda shugaban kwamitin kaddamar da littafin, Bashir Yuguda, ya sanya wa hannu, cikin littafin an yi karin haske kan zaben shugaban kasa na 2015, an kuma yi nazari a kan wasu mahimman shawarwari wadanda tsohon shugaban kasan ya yanke a zamanin da yake kan karagar mulki.” 2019: Abin Da Ya