Saina kashe Miji Na Idan Har Ba A Raba Mu Ba– inji wata Matar Aure

Wata mata mai yara uku mai suna Ronke Olanrewaju ta yi kurarin kashe mijinta ta hanyar zuba masa guba indai kotu ta yi watsi da bukatarta na...

Wata mata mai yara uku mai suna Ronke Olanrewaju ta yi kurarin kashe mijinta ta hanyar zuba masa guba indai kotu ta yi watsi da bukatarta na raba auran. Matan dai ta kai karan mijinta kotun Oja-Oba cikin garin Mapo dake Ibadan na Jihar Oyo, inda take neman mijinta ya sake ta, ta dai siffanta mijinnata da mutum mai kin zaman lafiya. Ronke ta sanar wa kotu cewa majinta Olanrewaju ya ba ta kasha a ranar Lahadi, ta kara da cewa wannan ba shi ne karo na farko ba, duk lokacin da ya ganta da wani abokin ciniki namiji to sai ya buge ta, idan kuma ta kai maganar wajen ‘yan sanda sai ya wuya maganar izuwa siyasa, saboda shi shahararran dan siyasa ne. Ta ci gaba da cewa “mai shari’a, ya maida mahaifiyana tamkar jaririya, don haka a raba mu yanzu ko kuma in kashe shi. Duk lokacin da na yi magana da wani abokin kasuwanci na sai ya buge ni sai ya ce wai masoyina ne.” Ana shi bangaran, mijin ya roki kotu da katta raba auran domin ya bayyana cewa matarnasa ta zama takar mahaifiya ce agare shi. Alkali mai shari’a Cif Henry Agbaje ya daga shari’ar har zuwa ranar 18 ga watan Satumba na shekara ta 2018. Ya bayyana cewa shari’ar tana bukata a gamata cikin gaggawa saboda yadda matan ta yi barazanar sai ta kasha shi, amma kuma yana da kyau a ba su lokaci ko za a iya samun masalaha a tsakanin su. . copyright @leadershipayau