Ku Sani Allah Zai Tambaye Ku Idan Har Ba Ku Zabawa Al'umma Dan Takara Nagari Ba, Sakon Imam Auwal Adam Assudani

Sakon Imam Auwal Adam Assudani Ga Daliget Din Jam'iyyu Imam Auwal Adam Assudani baban limamin masallacin Juma'a na Sheik Sharif Ibra...

Sakon Imam Auwal Adam Assudani Ga Daliget Din Jam'iyyu Imam Auwal Adam Assudani baban limamin masallacin Juma'a na Sheik Sharif Ibrahim Saleh Alhusaini dake Last Bustop dake Hayin Malam Bello Rigasa Kaduna, a hudubarsa ta jiya Juma'a 29/9/18 ya garagadi 'Exco da Deliget' cewa amanar Allah ce ta ba su wannan dama. Dan haka Allah zai tambaye su idan har ba su zabawa mutane 'yan takara nagari a kowane mukami na siyasa a kasar nan ba. Kuma a kowace jam'iyya a samar da nagartattun 'yan takara yadda hankalin masu kada kuri'a a zaban gama gari zai kwanta. Mun gayawa al'umma a minbarorinmu da majalisai su karbi katin zabe kuma sun amsa kira sun karba. Yanzu kawai jira suke daliget su zaba musu 'yan takara nagari a kowane mataki na kowace jam iyya. Domin Manzon Allah SAW ya ce dukkan ku an baku kiwo ne, kuma wannan kiwon abun tambaya ne. Exco su sani idan mutane suka shiga cikin shugabancin da ba nagari ba, to Allah zai tambaye su. Don haka muna yi musu tuni cewar Allah madaukakin Sarki ya ce ku tunatar, domin tunatrwa tana amfani ga Muminai ne. Allah ya sa a gama zaben lafya. Amin.