Yakamata duk 'Yan Nijeriya Su Goyi Bayan Buhari a zaben 2019

Kasancewar zabubbuka shekarar 2019, sai kara kusantowa suke yi an bukaci al’ummar kasar nan dasu kauda bambancin addini da na kabilanci su h...

Kasancewar zabubbuka shekarar 2019, sai kara kusantowa suke yi an bukaci al’ummar kasar nan dasu kauda bambancin addini da na kabilanci su hada kansu, su bada goyon baya ga Shugaban kasa Muhammadu Buhari, don ya sami ya sake jan ragamar kasar nan karo biyu,. Wani magidanci dake zaune a cikin garin Jos kuma mamba a Jam’iyyar APC, Alhaji Hassan Kwalla, ne ya yi wannan kira a lokacin da yake tattaunawa da wakilinmu na Jos, ya ce, Gwamnati wadda ke kan gado yanzu, ya kamara a kara ma Shugaban kasa Muhammadu Buhari karin wani wa’adi, don ya samu damar kammala dimbin ayyukan raya kasa da ya fara gabatar da su. Alhaji Kwalla, ya ce, Shugaban kasa Muhammadu Buhari ya samu gaggarumar nasara wajen aiwatar da muhimman aiyukan inganta rayuwar al’ummar kasar nan, a cikin ‘yan shekaru uku da rabin da ya yi da kama jan ragamar kasarnan wanda ya fi na shekaru goma sha-shida, da gwamnatin da ta gabata ta jam’iyyar PDP ta yi a lokacin da take kan mulki. Ya yaba ma hukumar zabe mai zaman kanta ta kasa bisa irin nasarorin data samu na kammala aiki a jihar Filato, ya kuma bukaceta da ta kara kaimi a kan, rarraba katuttukan jefa kuri’a don bada dama ga dimbin mutanen da suka yi rijista su sami zuwa runfunan zabe saboda su jefa kuri’a ga wanda suke so ya jagorance su. Ya nemi hukumar da ta kara wuraren da za a rarraba katunan zaben don saukake wa masu amsar katunan. Alhaji Kwalla, ya yaba a kan irin kyakkyawan hadin kai da ’yan jam’iyyar APC, suke dashi a jihar sai kuma ya bukace’su da su kara hada kansu don tunkarar zabubbukan domin tabbatar da nasarar jam’iyyar a shekarar 2019. Ya yi Allah wadai da batancin da wadansu ‘yan siyasa maras kishin ci gaban al’umma suke yi wa Shugaban kasa Muhammadu Buhari, saboda kokarin da yake yi na ganin kasar nan ta kubuta daga cin-hanci da rashawa da wadansu ‘yan kalilan mutane maras kishin kasa suka tsunduma kan su. . Copyright @leadershipayau