Ni ba irin Buhari bane, ba zan nemi tazarce ba idan aka zabe ni a 2019 - inji Atiku

-Tsohon Mataimakin Shugaban kasar yace ba zai yi alkawari ya saba ba -‘Dan takarar yace Buhari yayi wa al’umma alkawari ya gaza cikawa Tsoho...

-Tsohon Mataimakin Shugaban kasar yace ba zai yi alkawari ya saba ba -‘Dan takarar yace Buhari yayi wa al’umma alkawari ya gaza cikawa Tsohon Mataimakin Shugaban kasa Atiku Abubakar ya bayyana cewa idan aka zabe sa Shugaban kasa ba zai yi irin na Buhari ba. Alhaji Atiku Abubakar yace idan ya samu mulki ba zai nemi tazarce ba. Ba zan yi irin na Buhari ba idan aka zabe ni - Atiku Atiku Abubakar yace idan aka zabe sa a karkashin Jam’iyyar PDP ba zai nemi ya zarce a kan kujera ba. Tsohon Mataimakin Shugaban na Najeriya ya bayyana wannan ne lokacin da yayu wata doguwar hira da Jaridar nan ta This Day. Atiku yace shi ba zai yi irin na Shugaba Muhammadu Buhari ba idan har aka mika masa ragamar mulkin kasar nan. Atiku wanda yake neman mulkin kasar nan yace shekara 4 kacal zai yi a ofis ba tare da ya nemi zarcewa a mulki ba. ‘Dan takarar Shugaban kasar na PDP yace idan ta kama za a iya yarjejeniya da shi a rubuce domin a gwangwaje cewa ba zai mulki Najeriya sau biyu ba. Atiku yace Shugaba Buhari yayi irin wannan alkawari a 2011 amma ya saba. Tsohon Mataimakin Shugaban kasar a lokacin Obasanjo yace babu wanda ya tursasa sa wajen daukar wannan mataki. Atiku yace ba zai yaudari jama’a ba domin shi ba irin Buhari bane wanda ya rika yin alkawuran da ya gaza cikawa. . Copyright @hausa.NAij