Wani Miji Ya Halaka Matarsa A Jihar Jigawa

Rundunar ‘yansanda reshen jihar Jigawa ta bayyana cewa, ta cafke wani mutum mai suna Mammam Rabiu Babaru bisa zargin kisan matarsa mai suna ...

Rundunar ‘yansanda reshen jihar Jigawa ta bayyana cewa, ta cafke wani mutum mai suna Mammam Rabiu Babaru bisa zargin kisan matarsa mai suna Lamura Rabiu a kauyen Habatsa dake karamar hukumar gagarawa a jihar Jigawa. Kwamishinan rundunan ‘yansandan ta jihar Jigawa CP Bala Zama Senchi ne ya bayyana haka a jiya yayin da yake baje kolin wadanda rundunar ta cafke a jihar a hedkwatar ‘yansanda dake birnin Dutse. Ya ce, rundunar tasu ta sami wannan korafi daga dan uwan mariyar Lamura Rabi’u bayan da ya fita kiwo kuma ya yi kacibis da kyallen kayan marigayar wadda aka haka rami aka rufe ta a ciki a bayan gari. CP Zenchi ya karada cewa, bayan da suka karbi wannan korafi sun garzaya yadda suka cafke mijin wannan mata kuma suka dukufa bincike. Ya ce, daga bisani bincike ya tabbatar musu da cewa wannan mijin mata wato mammam Rabiu Babaru ne ya halakata bayan sun sami sabani a tsakaninsu kuma ya haka rami ya binne ta. Da yake shaidawa wakilinmu, mijin marigayar ya amsa laifinsa yadda ya bayyana mana cewa, sun sami sabani tsakaninsa da matarsa kuma har ta zage shi, hakan ya sanya ya lakada mata duka wadda hakan ya sanya ta fice daga gidan ta yi bayan gari haka kuma daga bisani ya bita bayan garin yadda domin ta dawo amma taki harma ta sake zaginsa. Yace, wannan dalili ya sanya ya sami sanda ya yi ta lafta mata har sai da ta mutu sannan ya garzaya zuwa gida ya samo magirbi ya haka rami ya rufeta a ciki ya kuma kama gabansa ba tareda kowa ya sani ba. Bayan dawowarsa gida da gari ya waye, ya garzaya zuwa gidansu . Copyright @leadershipayau