Wani Matashi Ya Yi Wa Gawar Mahaifiyarsa Fyade A garin Edo

Abin Allah wadai ba ya karewa a duniyar nan. Haka kuma idan da ranka, za ka sha kallo. Wasu lamurran sai su yi kama da almara ko tatsuniya, ...

Abin Allah wadai ba ya karewa a duniyar nan. Haka kuma idan da ranka, za ka sha kallo. Wasu lamurran sai su yi kama da almara ko tatsuniya, amma akan neman duniya da son rai sai mutum ya aikata komi. A jiya ne Rundunar ’Yan sandan Nijeriya reshen Jihar Edo ta cafke wani matashi mai shekara 18 wanda ake zargi da laifin kashe mahaifiyarsa don tsafi. Ba kawai kashe mahaifiyar tasa matashin yayi ba, sai da ya hada yi wa gawarta fyade don dai ya cimma burinsa na tsubbu. Matashin da ake zargi tare da wasu baragurbin abokan burminsa sun fada komar ‘yan sanda, inda rundunar ta hannun kwamishinan ‘yan sandan Jihar Edo, Mista Johnson Kokumo ya gabatar da su ga manema labarai a Benin ta Jihar Edo. Yaron ya fadawa ‘yan jarida cewa ya aikata wannan danyen aiken ne bayan da ya tuntubi wani boka, wanda kuma ya dora shi kan harkar da dadin bakin zai sa yayi arziki fiye da kima. Ya bayyana da bakinsa cewa ya shake mahaifiyar tasa ne yayin da take tsaka da bacci da misalin karfe 5:00 na safe a ranar 10 ga watan Oktoba a garin Ologbo dake makwabtaka da Benin. Da bakinsa, ya bayyana cewa ya yi jima’i da gawarta na tsawon kwanaki biyu kamar yadda boka ya umurce shi ya aikata. Wanda ake zargin ya ce asirinsa ya tonu ne bayan da kakarsa ta yi zargin cewa akwai matsala, inda ta tona mishi asiri bayan ta fahimci halin da yake ciki.